सुशासन, समृद्धि र सामाजिक न्यायका एजेन्डासहित राजापुर नागरिक कार्यक्रम सम्पन्न, २४६ जनाको पार्टी प्रवेश

बर्दिया, पौष २ गते, उज्यालो नेपाल पार्टी जिल्ला कमिटीको आयोजनामा बर्दियाको राजापुरमा नागरिक कार्यक्रम सम्पन्न भएको छ । सयौंको सहभागिता रहेको उक्त कार्यक्रमको प्रमुख अतिथ्यता उर्जा, जलस्रोत तथा सिंचाई, भौतिक पुर्वाधार तथा यातायात र शहरी विकास मन्त्री कुलमान घिसिङले गर्नु भएको थियो । कार्यक्रममा थरुहट थारुवान राष्ट्रिय युवा शक्तिका संयोजक सिताराम थारुले युवाहरु अब देशलाई सक्षम तरिकाले हाँक्न राजनितिमा आउनु पर्ने बताउनु भयो । उहाँले राजापुर नगरपालिका भित्रको कृषकको समस्याका समाधानका लागि बर्तमान सरकारले ध्यान दिनुपर्ने धारणा राख्नु भएको थियो । कार्यक्रममा उपस्थित उज्यालो नेपाल पार्टिका केन्द्रिय सदस्य रिमा विश्वकर्माले कलाकारहरुले पनि देशको बिकासका लागि राजनिती बुझ्नु पर्ने र राजनितीमा आउनु पर्ने धारणा ब्यक्त गर्नु भएको थियो । प्रदेश सांसद धर्म बहादुर चौधरीले राजापुर सबैभन्दा पुरानो बजार र ऐतिहासिक ठाउँ रहेको बताउदै बर्दियाको बिकासका लागि सिंचाई व्यवस्था पहिलो प्राथमिकता हुनु पर्ने र राजापुर भन्सारको समेत अध्ययन गरेर सुचारु गर्नुपर्ने आवश्यक रहेको बताउनु भएको थियो । प्रमुख अतिथी घिसिङले राजापुरको विकासका लागि सिंचाईसँग सम्बन्धित इन्टेक व्यवस्थापन, पर्यटकिय क्षेत्रको रुपमा विकास गर्न सकिने प्रशस्त सम्भावना रहेको उल्लेख गुर्न भएको थियो । उहाँले देशको समृद्धीका लागि सहि व्यक्ती, सहि स्थान र सहि समयमा ब्यवस्थापन गर्न सकेमात्र आर्थिक समृद्धि सम्भव हुने धारणा ब्यक्त गर्नु भएको थियो । उज्यालो नेपाल पार्टीका केन्दिय सद्स्य तथा कार्यक्रमका सभापती सोम डेमनडौराले देशमा सुशासन कायम भए मात्र जनताको आर्थिक र सामाजिक अवस्था बदल्न सकिने र यसका लागि परिर्तनकारी सबै युवाहरु उज्यालो पार्टीमामा जोडिन आह्वान गर्नुभएको थियो । कार्यक्रममा बिभिन्न दलका २४६ जनाले पार्टी परित्याग गरी उज्यालो नेपाल पार्टीमा प्रवेश गरेका थिए ।