हाम्रो बारेमा ​

उज्यालो नेपाल पार्टी सुशासन, समृद्धि, सामाजिक न्याय र हरित क्रान्तिलाई केन्द्रमा राखेर स्थापना भएको राजनीतिक दल हो। पार्टीले देशको शासन प्रणाली, नीति निर्माण प्रक्रिया र सार्वजनिक सेवाप्रवाहलाई परिणाममुखी, पारदर्शी र नागरिकमैत्री बनाउने लक्ष्य राखेको छ। समयमै सेवा प्रवाह, सम्मानजनक व्यवहार, प्रक्रियागत सरलता, पारदर्शिता र जवाफदेहितालाई प्राथमिकतामा राख्दै संविधानले स्थापित गरेका लोकतान्त्रिक उपलब्धि, राष्ट्रिय स्वतन्त्रता, सार्वभौमिकता, राष्ट्रिय एकता, विधिको शासन, मानव अधिकार, प्रेस स्वतन्त्रता, स्वतन्त्र न्यायपालिका र प्रतिस्पर्धी बहुदलीय प्रणालीप्रति पार्टी प्रतिबद्ध छ।

पार्टीले पुरानो अभ्यास, भागबण्डा र अवसरवादबाट उत्पन्न समस्याको समाधान शासन सुधार, प्रणालीगत परिवर्तन र नागरिककेन्द्रित सेवाप्रवाहबाट सम्भव हुन्छ भन्ने मान्यता राख्दछ। भ्रष्टाचार नियन्त्रणमा शून्य सहनशीलता, पारदर्शी निर्णय प्रक्रिया, निरन्तर निगरानी र नागरिक सहभागितासँगै जल, जमिन, जंगल, स्वच्छ ऊर्जा, कृषि, उद्योग, पर्यटन, प्रविधि र मानव संसाधनलाई जोडेर हरित क्रान्तिमार्फत उत्पादन, रोजगारी, आत्मनिर्भरता र दिगो समृद्धि हासिल गर्न सकिन्छ भन्ने पार्टीको आर्थिक दृष्टिकोण रहेको छ। योग्यता, इमानदारीता र जनविश्वासलाई नेतृत्वको आधार बनाउँदै युवालाई नीति निर्माणदेखि कार्यान्वयनसम्म अग्रपंक्तिमा ल्याउने तथा समान सोच भएका शक्ति र समूहसँग सहकार्य गर्दै सक्षम, स्वाभिमानी, न्यायपूर्ण र समृद्ध नेपाल निर्माण गर्ने लक्ष्य पार्टीले राखेको छ।

सदस्य बन्नुहोस्